Høyring – Planprogram for bustadsosial handlingsplan

Sveio kommunestyre fatta i sak KOM-053/23 følgande vedtak: 

1. Planprogram for kommunedelplan Bustadsosial handlingsplan i Sveio kommune vert lagt ut på høyring med innspelsfrist sett til 15. september 2023.
2. Det er ei målsetjing at kommunedelplanen blir endeleg handsama av kommunestyret i desember 2023.
3. Hovudutvala blir undervegs i arbeidet med planen halde orienterte og rådspurt.
4. Følgande må nemnast i planprogrammet som målgrupper for bustadsosial handlingsplan: Enkeltpersoner og familier med låge inntekter, flyktningar, personar med funksjonsnedsetting, personar med rusavhengigheit og/eller psykiske lidingar og bustadlause.

Saksdokument

Framlegget til planprogram: Høyringsdokument: Planprogram – Bustadsosial handlingsplan

Ytterlegare informasjon finst i saksframlegget til kommunestyret: KOM 053/23 Planprogram – Bustadsosial handlingsplan

***

Innspel til høyringa kan sendast pr. e-post til postmottak@sveio.kommune.no. Merk e-posten "Planprogram – Bustadsosial handlingsplan".

Høyringsfristen er 15. september 2023.