Fysio- og ergoterapitenesta 

Fysioterapitenesta har som målsetjing å vedlikehalde det einskilde menneske sitt funksjonsnivå gjennom førebyggande, behandlande og rehabiliterande tiltak. Dette skal skje uavhengig av alder. Me vil gje det enkelte menneske høve til å fungere i samsvar med eigne ønskje og behov, slik at dei kan fungere i samfunnet. 

Kommunal fysioterapeut har i første rekke ansvar for fysioterapi for barn, personar med nedsett funksjon og eldre brukarar. Arbeidet blir utført der det passar best for brukarane, enten det er heime eller andre stader dei oppheld seg. Førebygging av lidingar i muskel/ skjelettsystemet, rehabilitering eller hjelp til kroppsleg utvikling er aktuelle arbeidsområde. Andre oppgåver er undersøking, rettleiing og behandling. Dette går til vanleg føre seg som aktiv trening. Rettleiing, søknad, tilpassing av tekniske hjelpemiddel og opplæring i bruk av dei, er også ein del av fysioterapitilbodet.  

Kommunefysioterapeuten har til oppgåve: 

• Koordinasjon av fysio- og ergoterapitenesta 
• Ta i mot nye tilvisingar og kontakt med brukarar 
• Rehabilitering av pasientar ved Sveio Omsorgssenter 
• Barnefysioterapi 
• Undersøking, rettleiing og oppfølging innanfor barnehage, skule, heimebuande eldre og personar med nedsett funksjon
• Helsestasjon: gruppe ved Sveio helsestasjon. Samarbeid med helsesykepleier
• Kvinnehelse (under svangerskap og etter fødsel) Samarbeid med jordmor 
• Gruppetrening (fallførebyggande trening) 
• Hjelpemiddel - tilpassing og utprøving 

Slik søker du: 

Henvisning til fysio- og ergoterapitenesta (PDF, 682 kB)

Søknaden skal du senda til: 
Sveio kommune v/Tenestekontoret, Løkjavegen 35, Sveio Omsorgssenter, 5550 Sveio 

Kontaktinformasjon fysio – og ergoterapitenesta i Sveio Kommune:

• Mariann Svendsen: Avdelingsleiar/ Fysioterapeut  / ansvar for hjelpemidlar
• Karethe Markhus Breiteig: Fysioterapeut / ansvar for hjelpemidlar

Lokalisering: Løkjavegen 35 (Sveio omsorgssenter/underetasje/nybygg)

Tlf. 53 74 82 17

Under fysioterapitenesta i Sveio Kommune, så har kommunen 4 privatpraktiserande fysioterapeuter fordelt på 3 drifttilskot. Fysioterapeutane held til på Sveio Fysikalske Institutt og Albatross Fysioterapi.

Målgruppa er ungdom, voksne og eldre som sjølv kan koma seg til fysioterapeuten sine lokale.

Fysioterapeutane utfører undersøking, behandling, opptrening og veiledning av pasientar. Pasientane må betala egenandel hos fysioterapeut med driftstilskot. Fysioterapeutane samarbeidar med den kommunale fysio- og ergoterapitenesta, og ved einskilde behov utførar dei behandling til heimebuande.

Du trenger ikkje tilvisning frå lege for å få time hos privat fysioterapeut, eller for å utløysa refusjon. Les meir om eigandeler og refusjon på Helsenorge.no.

Kontaktinformasjon Sveio Fysikalske Institutt og Albatross Fysioterapi

Sveio fysikalske institutt  
Fysioterapeut Ørnulf Botnen  
Tlf 53 74 75 50/40 47 30 53 
Lokalisering: Hanaleite 8 i Førde.  

Albatross fysioterapi: 

• Ørjan Pedersen: Fysioterapeut, mob: 45 60 76 15
•  John Christian Vespestad: Fysioterapeut, mob: 45 20 53 44 

Lokalisering: Albatross Spa og Fitnessenter, Leitevegen 45 i Sveio.

 Sjå også albatrossfysioterapi.no

Kommuneergoterapeuten arbeider med menneske i alle aldrar, som har eller som står i fare for å få utfordringar med å fungera i kvardagen. 

Ergoterapeuten arbeider med rehabilitering og habilitering. Målet med ergoterapi er å betra eller vedlikehalda brukaren sin funksjonsevne og gjera det mogleg utifrå eigne føresetnader å vera sjølvhjelpen i kvardagen så langt det går an. Det vera seg i samband med både heim, barnehage, skule, arbeid og fritid. Ergoterapeuten arbeider fyrst og fremst med menneske sine daglege aktivitetar og med praktisk tilrettelegging av dagleglivet for menneske med funksjonsvanskar. Ved hjelp av kartlegging av brukar sine ressursar og begrensingar, samt miljøet han/ho er i, kjem ein saman fram til tiltak som kan gjera det mogleg for han/ho til å fungera best mogleg ut i frå eigne føresetnader, og til å vera sjølvstendig i kvardagen.

Aktuelle arbeidsoppgåver kan vera: 

• Kartlegging, tilrettelegging og trening av aktivitet/oppgåver i dagleglivet 
• Motivasjon og bevisstgjering av eigen situasjon 
• Kognitiv vurdering/rettleiing/trening 
• Finmotorisk vurdering/rettleiing/trening 
• Munnmotorisk vurdering/rettleiing/trening (gjerne i samarbeid med logoped) 
• Vurdering og tilpassing av bustad 
• Formidling, utprøving, tilpassing og opplæring i bruk av hjelpemidlar 
• Funksjonsvurdering til bilsaker og biltilpassing 
• Informasjon og samarbeid med ulike instansar til dømes omsorgsområdet, skule/barnehage og pårørande 

Slik søker du: 

Henvisning til fysio- og ergoterapitenesta (PDF, 682 kB)

Søknaden skal du senda til: 
Sveio kommune v/Tenestekontoret, Løkjavegen 35, Sveio Omsorgssenter, 5550 Sveio 

Kontaktinformasjon fysio- og ergoterapitenesta i Sveio Kommune:

Beate Sydnes Ekrheim: Ergoterapeut / ansvar for hjelpemiddel (Er i permisjon, Elisabeth Helgesen er vikar tom februar 2024) 

Mariann Svendsen: Avdelingsleiar/ Fysioterapeut  / ansvar for hjelpemiddel

 Tlf.: 53 74 82 17

Kvardagsrehabilitering er eit tilbod til deg som har opplevd eit funksjonsfall som følgje av sjukdom eller skade. Målet er at du skal øva deg opp til å greia dei daglege gjeremåla igjen, slik at du kan bu heime og leva eit godt og aktiv liv, så lenge som mogleg. 

Kven kan få tilbodet? 

• Du må vera over 18 år 
• Du bur heime 
• Du har fått vanskar med daglege aktivitetar og ynskjer å trena deg opp til å meistra desse igjen 
• Du ynskjer å vera mest mogleg aktiv og sjølvstendig 
• Du er motivert 

Kva kan me tilby? 

Eit tverrfagleg team samansett av fysioterapeut, ergoterapeut og heimesjukepleie (dersom dei mottar heimeteneste), kjem heim til deg i ein periode på tre til seks veker og trenar på det som er viktig for deg å meistra i din kvardag. Dette kan til dømes vera påkledning, matlaging, å gå i trappa, køyra til butikken, lufta hunden eller noko heilt anna. Mål og tiltak skal bli planlagd saman med deg. Evaluering av framgang og justering av mål vil skje undervegs. Eigeninnsats og motivasjon til trening er avgjerande, og aktivitetstrening og hjelp til sjølvhjelp står sentralt. Tenesta er gratis. 

For meir informasjon, ta kontakt med Tenestekontoret i kommunen eller Fysio- og ergoterapitenesta. 

Slik søker du: 

Henvisning til fysio- og ergoterapitenesta (PDF, 682 kB)

Søknaden skal du senda til: 
Sveio kommune v/Tenestekontoret, Løkjavegen 35, Sveio Omsorgssenter, 5550 Sveio 

Enklare tekniske hjelpemiddel kan lånast ut til dei som treng dei i akutte situasjonar i eit kortare tidsrom. Ved varig behov for hjelpemidlar skal det søkjast til NAV Hjelpemiddelsentral. Den som har varig behov kan låna enkelte hjelpemiddel frå korttidslager om naudsynt, i påvente av behandling av søknad. Dersom du mottek hjelp frå heimebaserte tenester, kan dei formidla vidare ditt behov. 

Utlån frå Hjelpemiddelsentralen i Vestland 

Personar som har eit varig behov for å låna hjelpemiddel, kan få det gjennom folketrygda. Fysio- og/eller ergoterapeut kan hjelpe deg til å søkja, alt etter kva saka gjeld. Det er NAV Hjelpemiddelsentralen i Vestland som forvaltar hjelpemiddel som tilhøyrar folketrygda. 

Hjelpemidlet skal vaskast før dei vert returnert. I tillegg blir dei grundig reingjort på lageret før utlevering til neste brukar. 

Varig utlån av hjelpemiddel frå NAV Hjelpemiddelsentral  

Reperasjon av tekniske hjelpemiddel 

Ved reperasjon av hjelpemiddel utlevert av kommunen kan du ta kontakt med: 

• Fysio og ergoterapitjenesta på tlf. 53748217 / 90826956
• Akuttvakten ved NAV hjelpemiddelsentral kan kontaktes på tlf 99202355 ettermiddager, helg og helligdager dersom hjelpemiddelet kan sette deg i en nødsituasjon. Gjeld kun hjelpemiddel som du ha på utlån frå NAV Hjelpemiddelsentral.  

Tenesta gjer fylgjande 

• Tek imot og leverer ut hjelpemiddel frå korttidslager og NAV Hjelpemiddelsentral i særskilte høve der brukar sjølv ikkje er i stand til å ordna med det 
• Gjer enklare reperasjonar av hjelpemiddel, sender til NAV HMS teknikk ved behov 

Me forventar at du: 

• Sjølv gjer dei oppgåvene du klarar 
• Prøver å ordna med henting og tilbakelevering dersom det er rimeleg 
• Heng lapp på dei hjelpemidla som blir levert tilbake med namn på den som har lånt hjelpemidla, slik at me kan registrera dei som innlevert 
• Gjer oss beskjed dersom du ikkje er heime til avtalt tid